राज्यातील आज जिल्हा परिषद आणि पंचायत समितीचा निकाल लागला असून यामध्ये भाजप आणि शिंदे गटाने अनेक ठिकाणी आपला झेंडा फडकवला आहे. मात्र या निवडणुकीत मनसेना कुठलाही प्रचार न करता, एक ही सभा न घेता, राज ठाकरे यांच्या नेतृत्वाखाली मनसेने मराठवाड्यामध्ये करिष्मा केला आहे. लातूर जिल्हा परिषदेमध्ये मनसेने अनपेक्षित यश मिळवत 3 जागांवर गुलाल उधळला आहे. या निकालांमुळे मारठवड्यातील राजकारणात राज ठाकरेंनी एंट्री मारली आहे.

लातूर जिल्हा परिषदेत मनसेचे इंजिन सुसाट

रेणापूर तालुका- पानगाव जिल्हा परिषद गट: मनसेचे उमेदवार डॉ. सुनील नागरगोजे विजयी

पंचायत समिती निवडणूक:

पानगाव: मोनिका रवी सूर्यवंशी (मनसे)

कोस्ट गाव: श्रीदेवी गालफाडे (मनसे)

या विजयाने मनसेचे इंजिन लातूरमध्ये सुसाट धावल्याचे दिसून आले आहे.

कॉँग्रेस-भाजपमध्ये जोरदार लढत

लातूर जिल्हा परिषदेच्या निवडणुकीत कॉँग्रेस आणि भाजपमध्ये जोरदार लढत आहे. 2017 च्या निवडणुकीमध्ये भाजपने 36 जागा जिंकून एकहाती सत्ता काबीज केली होती. प्रामुख्याने लातूर जिल्हा हा माजी मुख्यमंत्री विलासराव देशमुख यांचा बालेकिल्ला आहे. यामुळे अमित देशमुख आणि भाजपचे संभाजीराव निलंगेकर आणि अभिमन्यू पवार यांच्यासाठी ही निवडणूक महत्वाची होती. मात्र मनसेच्या उमेदवारांनी दोघांना ही धक्का देत अनपेक्षित यश मिळवले आहे.