ठाकरे बंधूंमधील जवळीक वाढताना दिसतेय.. त्यातच मनसे अध्यक्ष राज ठाकरेंनी तिसऱ्यांदा मातोश्रीवर जाऊन उद्धव ठाकरेंची भेट घेतलीय..विशेष म्हणजे, या भेटीवेळी राज ठाकरेंच्या कुटुंबीयांसह त्यांची आईही सोबत होती. त्यामुळे ठाकरे बंधूंच्या या भेटीला कौटुंबिक म्हटले जात असले तरी आगमी निवडणुकीच्या पार्श्वभूमीवर या भेटीला मोठं महत्त्व प्राप्त झालयं...राज ठाकरेंचं कुटुंब तब्बल तीन तास मातोश्रीवर होतं. अवघ्या तीन महिन्यात ठाकरे बंधूंमध्ये तब्बल 6 वेळा भेट झालीय...

5 जुलै 2025

हिंदीसक्तीविरोधातील मेळाव्यात दोन्ही बंधू एकाच मंचावर आले..

27 जुलै 2025

राज ठाकरे हे उद्धव ठाकरे यांच्या वाढदिवसाला मातोश्री या निवासस्थानी दाखल

27 ऑगस्ट 2025

उद्धव ठाकरे राज ठाकरेंच्या घरातील बाप्पाच्या दर्शनासाठी शिवतीर्थावर दाखल

10 सप्टेंबर 2025

उद्धव ठाकरे, संजय राऊत, अनिल परब राज ठाकरेंच्या शिवतीर्थ या निवास्थानी दाखल

5 ऑक्टोबर 2025

राऊतांच्या नातवाचा नामकरण सोहळा आणि नंतर मातोश्रीवर ठाकरे बंधूंची बंद दाराआड चर्चा

राज ठाकरेंच्या मातोश्रीवरील भेटीनंतर मनसेच्या शिवाजी पार्कातल्या दीपोत्सवाला उद्धव ठाकरे उपस्थिती लावणार का याचीही चर्चा रंगू लागलीय. ठाकरे बंधूंमधील वाढत चाललेला हा जिव्हाळा पाहता... दोघांची युती जवळपास निश्चित मानली जातेय. मात्र युती जाहीर करण्याचा मुहुर्त कधी ठरणार याबाबत सर्वांना उत्सुकता आहे.