Rain Update : राज्यात अनेक भागात पावसाने दमदार हजेरी लावली आहे. अनेक ठिकाणी अतिवृष्टीमुळे पूरसदृश परिस्थिती आहे. हवामान विभागान उद्या अनेक भागात अतिमुसळधार पावसाचा इशारा दिला आहे. भारतीय हवामान विभागाच्या अंदाजानुसार, २६ जुलैपर्यंत पश्चिम किनारपट्टीवर मुसळधार पाऊस पडणार आहे.

उद्या मुंबईसह ठाण्यातही मुसळधार पावसाचा  (Heavy Rain) अंदाज हवामान विभागाने दिला आहे. कोकण, गोवा आणि मध्य महाराष्ट्रातील घाट भागातही अत्यंत मुसळधार पाऊस पडण्याची शक्यता हवामान विभागाने वर्तवली दिला आहे.

8 जिल्ह्यांना ऑरेंज अलर्ट

हवामान विभागाच्या अंदाजानुसार उद्या आठ जिल्ह्यांना ऑरेंज अलर्ट देण्यात आला आहे. यानुसार मुंबई, पुणे, ठाणे, रायगड, रत्नागिरी, सिंधुदुर्ग, कोल्हापूर, सातारा या जिल्ह्यात मुसळधार ते अतिमुसळधार पाऊस उद्या पडू शकतो. (Latest News)

कोल्हापूरकरांसाठी उद्याचा दिवस महत्त्वाचा

गेल्या दहा दिवसांपासून कोल्हापूर जिल्ह्यात मुसळधार पाऊस पडत आहे. पंचगंगा नदी 39 फुटांच्या इशारा पातळीवर वाहत आहे. त्यामुळे कोल्हापूर जिल्ह्यात पूरसदृश्य परिस्थिती निर्माण झालेली आहे.

कोल्हापूर जिल्ह्याचे पालकमंत्री दीपक केसरकर आज कोल्हापूर दौऱ्यावर आहेत. पंचगंगा नदी शेजारी असणाऱ्या अनेक गावांना पुराचा फटका बसत असतो. या पार्श्वभूमीवर पालकमंत्री दीपक केसरकर हे चिखली, आंबेवाडी या गावांना भेट देऊन पाहणी करत आहेत. (Maharashtra News)