सचिन कदम 
रायगड : विधानसभा निवडणुकीत अपेक्षित असलेल्या निकालापेक्षा वेगळा निकाल पाहण्यास मिळत आहेत. त्यानुसार रायगड जिल्ह्यात देखील अनपेक्षित निकाल लागला असून जिल्ह्यातील सातही जागांवर विजय मिळवुन महायुती सरशी झाली आहे. अर्थात महाविकास आघाडीला खाते देखील उघडता आलेले नाही. 

विधानसभा निवडणुकीचा (Vidhan Sabha Election) निकाल जाहीर झाल्यानंतर महायुतीची (Mahayuti) सत्ता राज्यात बसणार हे निश्चित झाले आहे. बहुतांश मतदारसंघात महाविकास आघाडीला एका देखील जागेवर खाते उघडता आलेले नाही. हीच परिस्थिती रायगड जिल्ह्यात पाहण्यास मिळत आहे. रायगडमध्ये महाविकास आघाडीची एकही जागा हाती न आल्याने महाविकास आघाडीची रायगड जिल्ह्यात पार पिछाडी झाल्याचे चित्र रायगड जिल्ह्यात निवडणूक निकाला दरम्यान पाहायला मिळाले.  

कर्जत विधानसभा मतदारसंघात शिवसेना शिंदे गटाचे उमेदवार महेद्क्ष थोरवे आणि अपक्ष उमेदवार सुधाकर घारे यांच्यामध्ये शेवटच्या फेरीपर्यंत विजयासाठी चढउतार पाहायला मिळला. तर महाडमध्ये श्रीवर्धन अलिबाग पेण या ठिकाणी निम्या फेऱ्या होत असतानाच विजय निश्चित झाल्याचे चित्र रायगडमध्ये पाहायला मिळाले. यामुळे रायगड मधील मतदारांनी महायुतीला एकतर्फी कौलं दिला असल्याचे स्पष्ट झाले आहे.