Mahad MIDC News Saamtv
महाराष्ट्र

Mahad MIDC News: महाड MIDC दुर्घटना! ८ कामगारांच्या मृतदेहांची ओळख पटेना; DNA चाचणी होणार

Mahad MIDC Blast Update: या स्फोटामध्ये आत्तापर्यंत ८ जणांचे मृतदेह सापडले असून ३ बेपत्ता कामगारांचा ३२ तासांनंतरही शोध सुरू आहे.

Gangappa Pujari

सचिन कदम, प्रतिनिधी

Mahad MIDC Blast Update:

रायगड जिल्ह्यातील महाड एमआयडीसी येथील ब्लू जेट हेल्थकेअरमध्ये शुक्रवारी भीषण स्फोट झाला. या स्फोटामध्ये आत्तापर्यंत ८ जणांचे मृतदेह सापडले असून ३ बेपत्ता कामगारांचा ३२ तासांनंतरही शोध सुरू आहे. तसेच दुर्घटनेत मृत्यू झालेल्या कामगारांची ओळख पटणे शक्य नसल्याने DNA तपासणीचा आधार घेतला जाणार आहे. पनवेल येथे मृतदेहांचे शवविच्छेदन करुन नमुने DNA तपासणीसाठी मुंबई येथील लॅबला पाठवले जाणार असल्याचे सांगण्यात येत आहे.

याबाबत सविस्तर माहिती अशी की, महाड एमआयडीसीतील (Mahad MIDC) ब्लू जेट हेल्थ केअर कंपनीत शुक्रवारी भीषण स्फोट झाला. वायू गळतीमुळे ही दुर्घटना घडल्याचे सांगितले जात आहे. या दुर्घटनेत आत्तापर्यंत ८ जणांचा मृत्यू झाला असून ३ कामगार अद्यापही बेपत्ता आहेत. घटनेच्या दुसऱ्या दिवशीही या कामगारांचा शोध घेण्यास बचाव पथकाला अपयश आले.

कंपनीत झालेल्या स्फोटामुळे इमारत धोकादायक बनल्याने बेपत्ता कामगारांचे शोधकार्य करणाऱ्या बचाव पथकाला धोका निर्माण होत आहे. त्यामुळेच शोधकार्य तांत्रिक पद्धतीने करण्याचा निर्णय घेतला आहे. यापुढील शोधकार्यात यंत्रसामग्रीचा वापर केला जाईल.

  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या स्फोटात आत्तापर्यंत ८ जणांचे मृतदेह सापडले आहेत. परंतु आग आणि स्फोटांमुळे मृतदेहाची ओळख पटवण्यास अडचणी येत आहेत. त्यामुळे मृतदेहांची ओळख पटवण्यासाठी डीएनए तपासणीचा (DNA Test) आधार घेतला जाणार आहे.

मृताशी थेट रक्ताचे नाते असलेल्या व्यक्तीचे डीएनए तपासणीसाठी घेतले जाणार असून हे नमुने डीएनए तपासणीसाठी मुंबईच्या (Mumbai) लॅबला पाठवले जाणार आहेत. या चाचण्यांचे रिपोर्ट येण्यासाठी तीन ते सात दिवसांचा कालावधी जाण्याची शक्यता आहे. तोपर्यंत मृतदेह पनवेल शासकिय रुग्णालयाच्या शवागृहात ठेवण्याचा निर्णय घेतला आहे. (Latest Marathi News)

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Palghar News: संपानं घेतला चिमुकलीचा जीव; उपचाराअभावी २ वर्षीय मुलीचा मृत्यू,शासकीय रुग्णालयातील धक्कादायक प्रकार

Raj Thackeray : राज ठाकरे महाविकास आघाडीत येणार? महाराष्ट्रात राजकीय हालचालींना वेग, मातोश्रीच्या बैठकीत काय घडलं? VIDEO

Israel Airstrike: गाझा-युद्धविरामची चर्चा सुरू असतानाच इस्रायलचा कतरमध्ये हवाई हल्ला, व्हिडिओ व्हायरल

Maharashtra Government: शेतकऱ्यांसाठी गुडन्यूज; रस्त्यावरून होणारी कटकटी अन् भांडणं मिटणार, शेतापर्यंत होणार रस्ता

Maharashtra Politics : राज्यात पुन्हा भूकंप; दसऱ्यानंतर ठाकरे गट फुटणार? VIDEO

SCROLL FOR NEXT