Raigad News : किल्ले रायगडाच्या पायरी मार्गावर दरड कोसळल्याची घटना घडली आहे. या घटनेत एका शिवप्रेमीचा मृत्यू झाल्याची प्राथमिक माहिती समोर येत आहे. महादरवाजा ते मशिद मोर्चाच्या दरम्यान ही दुर्घटना घडली असल्याची माहिती आहे. प्रशांत गुंड असं २८ वर्षीय मृत तरुणांचं नाव आहे.

रायगड किल्ल्यावर सध्या छत्रपती शिवाजी महाराजांच्या राज्याभिषेक सोहळ्यानिमित्त विविध कार्यक्रम आहेत. यामुळे याठिकाणी शिवप्रेमींची मोठ्या प्रमाणात वर्दळ आहे. यादरम्यानच ही घटना घडली आहे. किल्ले रायगडाच्या पायरीच्या मार्गावर ही दरड कोसळली. या घटनेत तेथून जात असलेल्या एका शिवप्रेमीचा मृत्यू झाला आहे. महादरवाजा ते मशिद मोर्चाच्या मध्ये ही घटना घडल्याची प्राथमिक माहिती आहे.