सचिन कदम 
रायगड : मोटारसायकलला समोरून येत असलेल्या मालवाहू गाडीने दिलेल्या जोरदार धडकेत दोघांचा जागीच मृत्यू झाला आहे. यात एका महिलेचा समावेश आहे.  (Live Marathi News)

रायगड जिल्ह्यातील पोयनाड नागोठणे रस्त्यावर पिकअप टेंपो आणि मोपेड मोटरसायकल यांच्यामध्ये हा भीषण अपघात झाला. या अपघातामध्ये मोटर सायकलवरील दोघांचा जागीच मृत्यु झाला आहे. आरती पाटील (वय ४०) आणि हिराचंद्र म्हात्रे (वय ५०) अशी मृतांची नाव आहेत. या अपघातानंतर रस्त्यावर वाहतूक ठप्प झाली होती.  

नियंत्रण सुटल्याने धडक 

आज दुपारी झालेल्या अपघातात पिकअप टेंपो चालक दिनेश परदेशी याचा गाडीवरील ताबा सुटला. यामुळे गाडी विरुद्ध बाजूला येत असलेल्या दुचाकीला धडक दिल्याने हा अपघात झाला. धडकेनंतर मोटारसायकल दूरवर फेकली गेली. तर पिकअप गाडी देखील पलटी झाली आहे.