अहमदनगर : अहमदनगरच्या (Ahmednagar) राहुरी (Rahuri) शहरातील हॉटेल न्यू भरत येथे एका रूम मध्ये तरूण महिलेने गळफास घेऊन आत्महत्या (Suicide) केल्याची घटना घडली आहे. घटनास्थळी पोलीस दाखल झाले असून अनिता राजू कणसे (वय 31 रा. पुणे) असे मृत महिलेचे नाव आहे. काल पासून हॉटेल न्यू भरत येथे ती रूम घेऊन राहत होती. रूमची सफाई करायची म्हणून महिलेला आवाज देण्यात आला. (Rahuri Hotel Woman Suicide)

हे देखील पहा :

मात्र, रूम मधून कोणताही प्रतिसाद मिळाला नसल्याने हॉटेल मालकाला त्या ठिकाणी बोलावण्यात आलं खिडकीतून डोकावताच तिचा मृतदेह (Death Body) फॅनला लटकलेल्या अवस्थेत दिसला. घटनेची माहिती राहुरी पोलिसांना देण्यात आली. सदर महिलेने आत्महत्या केली आहे कि तिची हत्या झाली आहे याबात अद्याप स्पष्टता नसून पुढील तपास राहुरी पोलीस करत आहेत.