- रणजीत माजगावकर

Kolhapur News : कोल्हापुरातील कळंबा कारागृहात (kolhapur kalamba jail) वारंवार मोबाईल, गांजा सापडत असल्याने या कारागृहाची पुण्यातील येरवडा कारागृहाच्या (pune yerawada central jail) अधिकारी आणि कर्मचाऱ्यांकडून तपासणी करण्यात आली. विशेष म्हणजे या कारागृहातील प्रत्येक गोष्ट त्यांनी तपासलेली आहे. (Maharashtra News)

कोल्हापुरातील कळंबा कारागृहात गेले अनेक दिवस मोबाईल, बॅटरी, चार्जर तसंच गांजा सापडला आहे. कारागृहात चौक बंदोबस्त असताना या सर्व गोष्टी बंदीजणांपर्यंत पोहोचतातच कशा हा प्रश्न निर्माण झाला होता. त्यामुळे येरवडा कारागृहातील पाच अधिकारी आणि 25 कर्मचाऱ्यांनी कळंबा कारागृहाची झाडाझडती घेतली.

या कारागृहातील प्रत्येक गोष्ट त्यांनी तपासलेली आहे. एका बॅरॅकेट मध्ये त्यांना पुन्हा मोबाईल सापडलेला आहे. दोन दिवस अधिकाऱ्यांनी ही झाडाझडती केली आहे या संपूर्ण प्रकरणाचा अहवाल हे अधिकारी वरिष्ठ अधिकाऱ्यांना सादर करणार आहेत.

कळंबा कारागृहात अनेक गंभीर आरोपातील बंदीजन बंदिस्त असल्याने या प्रकरणाची गंभीर दखल प्रशासनाने घेतली आहे. कारागृहाची सुरक्षा रामभरोसे झाल्याने यावर ठोस उपाययोजना करण्यात येणार आहे.

Edited By : Siddharth Latkar