पुणे : पुणे स्वारगेट डेपोत घडलेल्या घटनेमुळे संपूर्ण शहरात संतापाची लाट उसळली आहे. घटनेनंतर स्वारगेट डेपोमधील २३ सुरक्षारक्षक यांचं तात्काळ निलंबन करण्यात आलं आहे. उद्यापासून नवीन सुरक्षारक्षक कामावर रुजू करण्याचे आदेश परिवहन मंत्री प्रताप सरनाईक यांनी दिले आहे. घटनेचा तपास करताना पोलिसांना एक मोठी लीड मिळाली आहे. आरोपी दत्तात्रय गाडे घटना घडल्यावर शिरुरला म्हणजे त्याच्या राहत्या घरी गेल्याची माहिती मिळाली असल्याचं समजत आहे.

दरम्यान, पोलीस आता दत्तात्रय गाडेचा मोबाईल ट्रेस करत आहेत. यात एक मोठी माहिती पोलिसांच्या हाती लागली आहे. आरोपीच्या मोबाईलवर आलेले कॉल आणि संपर्कतील व्यक्तीची चौकशी करण्यात येत आहे. आतापर्यंत २० जणांची पुणे पोलिसांनी चौकशी केली आहे. आरोपीचं शेवटचं लोकेशन शिरूर आणि दुपारी ३ वाजून ५ मिनिटांनी लोकेशन बंद दाखवत असल्यामुळे पोलीस या घटनेचा कसून तपास करत आहेत.