पुणे : पुण्यातील खेड तालुक्यातील आसखेड येथील प्लायवूड गोदामाला आग लागल्याची धक्कादायक घटना उघडकीस आली आहे. डोंगराला लागलेल्या वनव्याची आग थेट प्लायवूडच्या गोदामावर आली असून या आगीत प्लायवूडचे गोदाम आगीत जळून खाक झाल्याचं समोर आलं आहे. आग लागल्यानंतर परिसरात आगीसह धुराचे लोट दिसत होते.

प्लायवूड गोदामाच्या जवळील घरांना देखील आगीचा धोका असल्याचं सांगण्यात येत आहे. आगीवर नियंत्रण मिळवण्यासाठी कुठलीही यंत्रणा नसल्याने आगीने रुद्ररुप धारण केल्याचं समोर आलं आहे. डोंगर माळरानावर लागणाऱ्या वणव्याच्या घटनांकडे दुर्लक्ष केलं जात असल्याने डोंगराचा वनवा थेट लोकवस्तीलगत येऊन अशा दुर्दैवी घटना घडत आहे.