सचिन जाधव

पुणे : जेवणात भाकरी न मिळाल्याने मद्यधुंद अवस्थेतील एका महिलेने उपहारगृहात गोंधळ घातला. या घटनेची (Pune News) माहिती मिळताच घटनास्थळी पोहोचलेल्या महिला (Police) पोलीस कर्मचाऱ्याला त्या महिलेने मारहाण केल्याची घटना मार्केटयार्ड भागात घडली. (Maharashtra News)

पोलिसांनी दिलेल्या माहितीनुसार मार्केट यार्ड परिसरातील नूतन सुर्वे ही महिला हाॅटेलमध्ये जेवण करण्यासाठी आली होती. तिने मद्यपान केले होते. दरम्‍यान जेवणात भाकरी न दिल्याने सुर्वे संतापली. तिने उपाहारगृहातील कामगार आणि व्यवस्थापकास शिवीगाळ करण्यास सुरुवात केली. त्यावेळी उपहारगृहात जेवण करणाऱ्या ग्राहकांच्याही ताटात पाणी ओतले. तसेच ग्राहकांना तिने शिवीगाळ केली. हॉटेल चालकांनी पोलिसांना माहिती दिली त्यावरून पोलीसानी कारवाई केलीय.

महिलेला पोलिसांनी केली अटक

उपहारगृहात गोंधळ घालत शिवीगाळ केल्‍याप्रकरणी तसेच सरकारी कामात अडथळा आणल्‍याबाबत महिलेस पोलिसांनी अटक करण्यात आली आहे. याप्रकरणी नूतन सुभाष सुर्वे (वय ४५, रा. केदारीनगर, वानवडी) हिला अटक करण्यात आली.