सचिन जाधव

Amruta Fadnavis News : अमृता फडणवीस कायम त्यांच्या गाण्यांमुळे चर्चेत असतात. नुकतेच अमृता फडणवीस यांचं नवीन गाणं प्रदर्शित झालं आहे. सध्या त्यांच्या या गाण्याची सर्वत्र जोरदार चर्चा सुरु आहे. ६ जानेवारीला त्यांचं ‘आज मै मूड बणा लेया’ गाणं प्रदर्शित झालं.

गाणं प्रदर्शित होताच काही क्षणात लोकप्रिय झालं. असे असले तरी सोशल मीडियातून उलट-सुलट प्रतिक्रिया येत आहेत. यावर आता खुद्द अमृता फडणवीस यांनी आपली प्रतिक्रिया दिली आहे. एका कार्यक्रमानिमित्त त्या पुण्यात होत्या यावेळी बोलत होत्या.

अमृता फडणवीस यांना त्यांच्या नवीन गाण्याबद्दल विचारलं असता त्या म्हणाल्या मला खूपआनंद होतोय, लोकांना गाणं आवडलं त्यांनी ते स्वीकारलं आणि आता लोक माझ्या गाण्यावर रिल्स तयार करत आहे. माझा विश्वास आहे कोणीही काही बोलले तरी काम करत राहिले. मी भजन जरी म्हटलं तरी लोक मला ट्रोल करतील. मला ट्रोल होण्याची सवय झाली आहे त्याने मला काही फरक पडत नाही अशा शब्दात त्यांनी ट्रोलर्सना उत्तर दिलं आहे.

अमृता फडणवीस यांनी यावेळी देवेंद्र फडणवीस यांना गाणं कसं वाटलं याबद्दलही माहिती दिली आहे. देवेंद्र जी गाणं चांगलं आहे असं म्हणाले. तसेच मला पंजाबी गाणं आवडलं म्हणून ते गाणं केलं असल्याचंही अमृता फडणवीस यांनी नमूद केलं.