- अमर घटारे

Amravati News : अमरावती (amravati) शहरात न्यू राम मेघे अभियांत्रिकी महाविद्यालयात (new ram meghe college of engineering) कार्यरत असलेल्या एका प्राध्यापकाने आत्महत्या केल्याची घटना घडली. या प्रकरणी पाेलिसांचा तपास सुरु आहे.(Maharashtra News)

ही घटना अमरावतीच्या गाडगेनगर ठाण्याच्या हद्दीतील वृंदावन कॉलनी येथे उघडकीस आली. प्रा. डॉ. मनीष बैस (वय ५२) असे मृत प्राध्यापकाचे नाव आहे. ते न्यू राम मेघे अभियांत्रिकी महाविद्यालयात प्राध्यापक म्हणून कार्यरत होते.

पोलिस आयुक्त नवीनचंद्र रेड्डी यांनी दिलेल्या माहितीनूसार प्रा. डॉ. मनीष बैस (prof dr manish bais) यांनी मृत्यूपूर्वी एक चिठ्ठी लिहून ठेवली आहे. या सुसाईड नोटमध्ये त्यांनी कौटुंबिक कारण व कामाचा ताण असल्याने आत्महत्या केल्याचे म्हटलं आहे. दरम्यान शवविच्छेदन अहवाल येणे बाकी असून सुसाईड नोटचे निरीक्षण करत असून तपास सुरू असल्याची माहिती पोलिस आयुक्त नवीनचंद्र रेड्डी यांनी दिली.

Edited By : Siddharth Latkar