पुरोहित वर्गासाठी अधिकृत डिग्री, अभ्यासक्रम आणि परीक्षा पद्धत असावी : त्र्यंबकेश्वरमध्ये घडलेला प्रकार दुर्दैवी असून मारामारी करणारे पुरोहित व ज्यांच्या जवळ हत्यारे सापडली ते सर्वजण परप्रांतीय आहेत. त्यांच्यामुळे स्थानिक ब्राह्मण समाजाची बदनामी होत आहे. शेकडो वर्षांपासून मंदिराचा कारभार संभाळणाऱ्या स्थानिक पुरोहित समाजाला विधीच्या परंपरा व पद्धती चांगल्या प्रकारे माहित असल्याने विधीचे सर्व अधिकार त्यांच्याकडेच असावेत. शुल्क किती असावे यावरून सुरु झालेले हे वाद अगदीच टोकाला गेले आहेत आणि त्यामुळे पुरोहित वर्गाविषयी नागरिकांत गैरसमज निर्माण होत आहेत. शेकडो वर्षांची परंपरा असलेल्या तेथील स्थानिक पुरोहित वर्गाचा या मारहाणीत काहीही संबंध नाही. मारामारी करणाऱ्या या परप्रांतीय लोकांना परंपरा, पद्धत याविषयी सुद्धा पूर्ण ज्ञान नसते, केवळ कमी खर्चात विधी उरकले जातात आणि यासाठीच शासनाने अधिकृत अभ्यासक्रम, पूजा, विधी पद्धत अंगीकरून त्याला मान्यता द्यावी.

हाणामारी करणाऱ्या परप्रांतीय पुरोहितांसोबत त्र्यंबकेश्वर पुरोहित संघाचा काहीही संबंध नाही. परप्रांतीय पुरोहित पूजेसाठी अव्वाच्या सव्वा पैसे आकारून भाविकांची आर्थिक लूट करतात. परप्रांतीय पुरोहितांवर कारवाई करावी.