Political News: कर्नाटकात आज विधानसभा निवडणुकीसाठी मतदान सुरु झाले आहे. सकळी ७ वाजल्यापासून मतदान सुरू झाले असून सायंकाळी ६ वाजेपर्यंत मतदान सुरू राहणार आहे. तसेच १३ मे रोजी मतमोजणी होणार आहेत. त्यामुळे संपूर्ण राज्याचे लक्ष या निवडणुकीकडे लागले आहे. अशात खासदार संजय राऊतांनी कर्नाटक निवडणुकीवरुन भाजपवर टीकास्त्र सोडलं असून शिंदे गटावर गंभीर आरोप केले आहेत. (Political News)

संजय राऊत यांनी आपल्या ट्वीटर अकाउंटवर एक पोस्ट शेअर करत लिहिलं आहे की, "आज कर्नाटक राज्यात विधान सभा निवडणुका होत आहेत. पंतप्रधान मोदी आणि गृह मंत्री शहा यांनी घाम आणि पैसा गाळून देखील भाजपचा दारुण पराभव होत आहे, असं टीकास्त्र राऊतांनी भाजपवर सोडलं आहे.

2024 साठी शुभशकुन

कर्नाटक विधानसभा निवडणुक ही 2024 साठी शुभशकुन असल्याचं राऊतांनी म्हटलं आहे. तसेच पुढे शिंदे गटाच्या नेत्यांवर आरोप करत त्यांनी म्हटलं की, "दुःख इतकेच की महाराष्ट्राचे सध्याचे राज्यकर्ते यांनी आपल्या सीमा भागात महाराष्ट्र एकीकरण समितीच्या पराभवासाठी कारस्थाने केली."

"स्वतःला शिवसेना म्हवणून घेणारे मुख्यमंत्री साहेबांनी मंगलोर मार्गे काही खोके बेळगावात पाठवून एकीकरण समितीच्या उमेदवारांचा पराभव करण्यासाठी शर्थ केली. महाराष्ट्राशी ही गद्दारीच आहे. मराठी माणूस हे लक्ष्यात ठेवील.", असं संजय राऊत (Sanjay Raut) म्हणाले.