सुनील काळे

Mumbai News :

आगामी निवडणुकांच्या दृष्टीने प्रत्येक पक्ष आपली ताकद वाढवण्याचा प्रयत्न करत आहेत. राज्यात आगामी निवडणुकीत महाविकास आघाडी आणि महायुती असा थेट सामना राज्यात होणार आहे. महायुतीसोबत असलेला एक पक्ष महाविकास आघाडीसोबत येण्याची शक्यता आहे. दोन बड्या नेत्यांमधील भेटीमुळे अशी चर्चा राजकीय वर्तुळात आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

महायुतीसोबत असलेल्या राष्ट्रीय समाज पक्षाचे अध्यक्ष महादेव जानकर आणि राष्ट्रावादीचे अध्यक्ष शरद पवार यांच्यात भेट झाल्याची माहिती समोर आली आहे. दिल्लीत काही दिवसांपूर्वी ही भेट झाल्याचं समोर येत आहे.

महादेव जानकर महायुतीत नाराज असल्याची चर्चा गेल्या काही काळापासून सुरु होती. महायुतीची ताकद वाढल्यानंतर महादेव जानकर राजकारणात फारसे सक्रिय दिसत नव्हते. मात्र शरद पवार यांच्या सोबतच्या भेटीने राजकीय वर्तुळात चर्चांना उधाण आलं आहे. (Political News)

महादेव जानकार आणि शरद पवार यांच्या भेटीत नेमकं काय झालं? जानकर महायुतीची साथ सोडून महाविकास आघाडीत सहभागी होणार का? अशा अनेक प्रश्नांची उत्तर येत्या काळात स्पष्ट होईल.