- रणजीत माजगावकर

Kolhapur News : कोल्हापूर जिल्ह्यातील जयसिंगपूर शहरातील सातव्या गल्लीतील शंकेश्वर ज्वेलर्सचे मालक नवलमल पोरवाल (वय 70) व त्यांचा पुतण्या यश जैन यांचे रविवारी रात्री नऊच्या सुमारास अपहरण झाले. या घटनेत अज्ञात पाच ते सहा जणांचा समावेश असल्याची माहिती पाेलिसांनी दिली. (Maharashtra News)

शंकेश्वर ज्वेलर्सचे मालक नवलमल पोरवाल व त्यांचा पुतण्या यश जैन हे दुकान बंद करुन घरी निघाले हाेते. गांधी चौकातून घरी जात असताना त्यांच्या घराजवळ असणाऱ्या गल्ली नंबर दोन येतील बोळ भागात अंधाराचा फायदा घेऊन चार चाकीत दबा धरून बसलेल्या पाच ते सहा युवकांनी त्यांचे वाहन अडवले.

पाेरवाल यांना जबरदस्तीने आपल्या चार चाकीत घालण्याचा प्रयत्न केला. त्यावेळेला अपहरणकर्ते व पोरवल यांच्यात झटापट झाली. तरीही त्यांनी पोरवाल व त्यांच्या पुतण्याला जबरदस्तीने चार चाकीत घालून बोळ रस्त्याने सरळ गल्ली नंबर दोन येथील पेंढारी यांच्या घरापासून नवीन तयार करण्यात आलेल्या डीपी रस्त्याने सुसाट वेगाने निघून गेले.

विशेष म्हणजे अपहरणकर्त्यांनी पोरवाल व त्यांचा पुतण्याचे वाहन देखील नेले. ही घटना संपूर्ण शहरात वाऱ्यासारखी पसरली. अनेकांना सत्या या चित्रपटाप्रमाणे घटना घडल्याची चर्चा सुरु केली. गांधी चौक येथे असणारे शंकेश्वर ज्वेलर्स मधील ही सीसीटीव्हीचे कॅमेरे चेक करून काेल्हापूर पोलिसांनी पुढील तपासाची दिशा ठरवत तपासून केलेला आहे.

Edited By : Siddharth Latkar