अहमदनगर : जन्मदात्या मात्या-पित्याचा सांभाळ न करणाऱ्या मुलांना पोलिसांनी (Police) दणका दिला आहे. अहमदनगरच्या केडगाव उपनगरात ही धक्कादायक घटना घडली आहे. घरात राहणाऱ्या दोन मुलांनी आणि त्यांच्या पत्नींनी आई-वडिलांना शिवीगाळ करून घराबाहेर काढले. त्यानंतर मुलांच्या आई-वडिलांनी (Parents) घडलेला प्रकार पोलिसांना सांगून तक्रार दाखल केली. किशोर नारायण कार्ले, उषा किशोर कार्ले, रमेश नारायण कार्ले, कोमल रमेश कार्ले आणि संतोष ऊर्फ भाऊ संजय निवडुंगे अशी आरोपींची नावं आहेत.

मिळालेल्या माहितीनुसार, केडगाव शाहूनगर येथे राहणारे कार्ले कुटुंबातील सदस्यांनी त्यांच्या घरातली आई-वडिलांना ९ ऑगस्टला घराबाहेर काढले होते. दोन्ही मुलांनी आणि त्यांच्या पत्नींनी शिवीगाळ करून आई-वडिलांना बाहेर काढले. या धक्कादायक प्रकाराची पोलिसांत तक्रार दिल्यानंतर संबंधित आरोपींवर गुन्हा (Police case) दाखल करण्यात आला. याप्रकरणी पोलीस निरीक्षक संपतराव शिंदे यांच्या मार्गदर्शनाखाली तपास सुरू आहे.

Edited By - Naresh Shende