- अमर घटारे

Chandur Railway Breaking News : चांदूर रेल्वे येथील गुंड नईम खान खून प्रकरणात दोन जणांना पाेलिसांनी (police) ताब्यात घेतल्याची माहिती सूत्रांकडून मिळाली आहे. या दाेघांची पाेलिस कसून तपास करीत आहे. आज सकाळी खान याच्या खूनाची बातमी शहरात तसेच अमरावती जिल्ह्यात वा-या सारखी पसरली हाेती.

गुंड नईम खान हा चांदूर रेल्वे शहरातील गारुडी पुरा, शिवाजीनगरसह अनेकांची डोकेदुखी ठरत होता. अनेक बेकायदेशीर कामे त्याच्याकडून व त्याच्या साथीदारांकडुन केली जात असे. काहींची पाेलिसांत नाेंद हाेत असे काही जण घाबरुन पाेलीसांत जात नसे.

तीन दिवसांपुर्वी अल्पवयीन मुलीला त्याने धमकावून घरातून पळवून नेले हाेते. त्यानंतर परिसरातील नागरिकांनी पाेलिस ठाण्याला घेरलं हाेते. 24 तासांत खानला अटक करुन मुलीला घरी आणावे अशी मागणी नागरिकांनी पाेलिसांपुढे ठेवली हाेती.

त्यानंतर मध्यरात्री नईम खानचा खून झाला. हा खून काेणी केला असेल याची चर्चा आज सकाळपासून शहरात सुरु हाेती. आज दुपारी साडे बाराच्या सुमारास खानच्या खून प्रकरणात पाेलिसांनी दाेघांना ताब्यात घेतल्याची माहिती समाेर आली. या दाेघांची चाैकशी सुरु असल्याची माहिती सूत्रांनी दिली.

Edited By : Siddharth Latkar