Hingoli News : हिंगोली (hingoli) जिल्ह्यात पाेलिसांनी (police) तब्बल एक कोटी चौदा लाख रुपयांच्या बनावट नोटा (fake currency) जप्त केल्या आहेत. औंढा पोलिसांनी ही धडाकेबाज कारवाई केली आहे. या प्रकरणी दहा संशयितांना पाेलिसांनी ताब्यात घेतले आहे. (Breaking Marathi News)

औंढा पोलिसांनी दिलेल्या माहितीनूसार पोलिसांचे पथक शहरात गस्त घालत हाेते. त्यावेळी या पथकास संशयास्पद गाेष्टी निदर्शनास आल्याने त्यांनी संशयितांची अधिक चाैकशी केली असता त्यांना सांगितलेल्या माहितीत (information) तफावत आढळली.

या प्रकरणी पाेलिसांनी दहा जणांना ताब्यात घेतले आहे. चाैकशीअंती पाेलिसांनी सर्वांना अटक (arrest) केली. त्यांच्याकडून एक कोटी चौदा लाख रुपयांच्या बनावट नोटा जप्त केल्या. संशयितांनी पाच ते दहा लाख रुपयांच्या खऱ्या नोटा देऊन बनावट नोटा खरेदी केल्याची माहिती पोलिसांना दिली.

दरम्यान अटकेतील संशयित आरोपी हे विदर्भासह मराठवाड्यातील आहेत. या प्रकरणात आणखी मोठी माहिती उघड होणार असल्याची शक्यता पोलिसांनी वर्तवली आहे.

Edited By : Siddharth Latkar