पिंपरी- चिंचवड : हातात कोयता घेऊन त्याची शॉर्ट रील तयार केली. यानंतर ती शॅार्ट रिल सोशल मीडियावर (Social Media) अपलोड करणाऱ्या कोयता कुमारला पिंपरी चिंचवडच्या (Pimpri Chinchawad) शस्त्रविरोधी पथकाने अटक केली आहे. (Tajya Batmya)

शुभम अभिमान जाधव असे या 21 वर्षाच्या गावगुंड कोयता कुमारचे नाव आहे. ना जिंदगी का मोह.. ना मौत का भय..! अशी टॅग लाईन देत, हातात कोयता घेऊन शुभम जाधव याने एक शॉर्ट रिल सोशल मीडियावर अपलोड केली होती. त्याची दखल पिंपरी चिंचवड (Police) पोलिसांच्या शस्त्र विरोधी पथकाने घेतली आहे.

कोयत्‍यासह अटक

थेरगाव परिसरातील गुजर वस्तीमधून शुभम अभिमान जाधव याला त्याच्या 19 इंचाच्या कोयत्यासह अटक केली आहे. तसेच त्याच्या विरोधात वाकड पोलीस स्टेशनमध्ये भारतीय शस्त्र अधिनियम 1959 आणि महाराष्ट्र पोलीस अधिनियम कायदा 37 आणि इतर अन्य कलमानुसार गुन्हा दाखल केला आहे.