पिंपरी चिंचवड : शहरातील तळवडे या ठिकाणी शिवराज इंटरप्राईजेस या बेकायदेशीर कंपनीला भीषण आग लागली होती. या आगीत आणखी दोन महिला कामगारांचा (pimpri Chinchwad) उपचारादरम्यान मृत्यू झाला आहे. त्यामुळे तळवडे येथील अग्नितांडव दुर्घटनेतील मृतांची (Death) एकूण संख्या आता ११ वर पोहचली आहे. (Latest Marathi News)

पिंपरी- चिंचवडमधील तळवडे या ठिकाणी आगीमध्ये सात जणांचा होरपळून मृत्यू झाला आहे. ही घटना ८ डिसेंबरला दुपारी घडली होती. त्या कंपनीला स्फोट होऊन मोठी आग (Fire) लागली होती. या आगीच्या दुर्घटनेत सहा कामगार जागीच मृत्यू झाला होता. तर आणखी पाच कामगारांचा उपचारादरम्यान मृत्यू झाला आहे. यात आणखी दोन रुग्णांचा मृत्यू झाल्याने मृतांचा आकडा अकरावर पोहचला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

चौघांवर अजूनही उपचार सुरु 

कंपनीच्या आगीत भाजलेल्यांवर उपचार सुरु असताना प्रियंका यादव (वय ३२) आणि अपेक्षा तोरणे (वय १८) असे मृत्युमुखी पडलेल्या महिला कामगारांचे नाव आहेत. तर चार गंभीर जखमी झालेल्या कामगारांवर अजूनही ससुन रुग्णालयात उपचार करण्यात येत आहेत.