पिंपरी चिंचवड : रक्तचंदनाची मोठ्या प्रमाणात तस्करी करण्यात येत होती. यात साधारण जवळपास एक कोटी रुपयांच्या रक्त चंदनाच्या लाकडाची तस्करी करणाऱ्या टोळीचा पोलीस शोध घेत होते. या टोळीतील मुख्य आरोपीना पिंपरी चिंचवड शहर पोलिसांच्या मालमत्ता विरोधी गुन्हे विरोधी पोलीस पथकाने अखेर बेड्या ठोकल्या आहेत.

पिंपरी चिंचवड शहर पोलिसांच्या पथकाने राजेंद्र विठ्ठल शिंदे आणि कल्पेश सिंग या दोघांना ताब्यात घेतले आहे. दरम्यान २ मार्च २०२५ ला मालमत्ता विरोधी गुन्हे विभागाचे पोलीस पेट्रोलिंग करत असताना त्यांना पुणे- मुंबई एक्सप्रेस वे वर अवैधरीत्या रक्त चंदनाची वाहतूक करणारा एक कंटेनर आढळून आला होता. मात्र वाहतूक करणारे फरार झाले होते. तेव्हापासून रक्त चंदनाची तस्करी करणाऱ्या टोळीचा शोध पोलीस घेत होते.

दोघेजण होते फरार 

या प्रकरणात करण्यात आलेल्या तपासात मालमत्ता विरोधी गुन्हे पोलिसांनी आतापर्यंत एकूण सहा आरोपींना बेड्या ठकल्या होत्या. मात्र या प्रकरणातील मुख्य सूत्रधार राजेंद्र विठ्ठल शिंदे आणि कल्पेश सिंग हे पोलिसांना गुंगारा देत जवळपास चार महिन्यापासून फरार होते. तर पोलिसांनी मुंबई परिसरातून या दोन्ही आरोपींना आता बेड्या ठोकल्या आहेत. 

कार अडवत लूटमार 

पुणे : पुणे आहिल्यानगर महामार्गावर रांजणगाव गणपती परिसरात पहाटेच्या सुमारास प्रवाशी कार चालकाला सुटल्याचा धक्कादायक प्रकार घडला आहे. दुचाकीवरुन आलेल्या तीन दरोडेखोरांनी एका कारला अडवून धारदार शस्त्राचा धाक दाखवत तब्बल १ लाख ७७ हजार रुपयांचे सोन्याचे दागिने आणि रोख रक्कम लुटून नेल्याची धक्कादायक घडलीय. या प्रकरणी कार चालक अक्षय बोरगे यांच्या तक्रारीवरुन रांजणगाव एमआयडीसी पोलीसांत तीन अज्ञातांविरोधात गुन्हा दाखल करण्यात आला आहे.