पिंपरी चिंचवड : वाढत्या गुन्हेगारीला चाप बसावा यासाठी पिंपरी चिंचवड शहर पोलिसांनी ऐतिहासिक मोका कारवाई केली आहे. या कारवाई दरम्यान एकाच वेळी शहरातील १३ टोळ्यातील जवळपास ५७ गुन्हेगारांवर मोका कायद्या अंतर्गत कारवाई करण्यात आली आहे. आतापर्यंतची हि सर्वात मोठी कारवाई मानली जात आहे. 

पिंपरी चिंचवड शहर पोलिसांनी ऐतिहासिक मोका कायद्याअंतर्गत कारवाई केली आहे. एकाच वेळी शहरातील १३ टोळ्यातील जवळपास ५७ सराईत गुन्हेगारांवर पोलिसांनी मुक्का कायदा अंतर्गत कारवाई केली आहे. कुख्यात गुन्हेगारांवर पिंपरी चिंचवड शहर पोलिसांनी मोका कायदा अंतर्गत कारवाई केली आहे. या कारवाईमुळे वाढत्या गुन्हेगारीला चाप बसणार असल्याचे बोलले जात आहे. 

सणवार, निवडणुकीच्या अनुषंगाने कारवाई 

पिंपरी चिंचवड पोलिसांनी केलेल्या कारवाईत पुणे आणि पिंपरी चिंचवड शहरातील कुख्यात गुन्हेगार कल्याणी देशपांडे टोळी, शुभम पोखरकर टोळी आणि नारायण घावटे टोळी अशा जवळपास १३ कुख्यात टोळ्यावर पिंपरी चिंचवड शहर पोलिसांनी मोका कायद्यांतर्गत कारवाई केली आहे. पोलिसांनी केलेली कारवाई ही येणारे सणवार आणि आगामी महापालिका निवडणुकीच्या दृष्टिकोनातून असली तरी येणारे सणवार आणि महापालिका निवडणुकीत कायदा व सुव्यवस्था राखण्यासाठी या कारवाईमुळे निश्चितच मदत होईल असा विश्वास पिंपरी चिंचवड शहर पोलिसांनी व्यक्त केला आहे.
 

गुंडांचा दारू पिऊन धिंगाणा
बदलापूर : बदलापूर पुर्व रिंग रूट  परिसरात एका पान टपरीवर काही गुंडांकडुन दगडफेक करून टपरीची नासधूस करण्यात आली आहे. पानटपरी मालकाने शासनाने बंदी घातली असलेला गुटखा दिला नसल्याचा राग धरत, टपरीतील सामानाची तोडफोड करण्यात आली आहे. दिवसाढवळ्या असा प्रकार घडत असल्याने पनवेल परिसरात दहशतीचे वातावरण निर्माण झाल आहे. पनवेल हायवे परिसरात सातत्याने असे गुन्हेगारी प्रकार घडत असून, बदलापूर पूर्व पोलिसांनी या ठिकाणी गस्त वाढवण्याची मागणी स्थानिक नागरिकांनी केली आहे.