पुणे : येथे एक खळबळ माजवणारी घटना उघडकीस आली आहे. पुण्याच्या चाकण एमआयडीसी हद्दीत (Gambling Crime) जुगार खेळताना देहू संस्थानचे आजी- माजी विश्वस्तांसह नगरसेवकांना अटक करण्यात आली आहे. देहु संस्थानचे विश्वस्त विशाल मोरे, माजी विश्वस्त संतोष गुलाब मोरे, राष्ट्रवादी कॉंग्रेसचे (NCP) नगरसेवक मयूर टिळेकर, विशाल परदेशी यांच्यासह तब्बल २६ जणांना पिंपरी-चिंचवड पोलिसांनी अटक केली आहे.

मिळालेल्या माहितीनुसार, विशाल मोरे यांनी याप्रकरणाबाबत खुलासा केला आणि ते निर्दोष आढळल्यास देहू संस्थानच्या नियमानुसार त्यांची हकालपट्टी करण्यात येईल, असं संस्थानचे अध्यक्ष नितीन महाराज मोरे यांनी स्पष्ट केलं आहे. पिंपरी-चिंचवड पोलिसांनी तीन पत्ती जुगार अड्ड्यावर छापा टाकल्यावर या जुगाराचा पर्दाफाश झाला आणि राजकिय वर्तुळासह वारकरी संप्रदायात एकच खळबळ उडाली.म्हणूनच संत तुकाराम महाराज संस्थान विश्वस्त विशाल मोरे यांच्याबद्दल कठोर पाऊल उचलताना दिसत आहेत, अशी माहिती मंचकचे अप्पर पोलीस आयुक्तांनी दिली आहे.

Edited By - Naresh Shende