पंढरपुर : कोरोनाच्या अनुषंगाने सर्व नियमांचे पालन करत कार्तिकी kartiki ekadashi यात्रा भरवण्यास जिल्हाधिकारी मिलिंद शंभरकर यांनी परवानगी दिली आहे. त्यामुळे तब्बल दोन‌ वर्षानंतर १५ नोव्हेंबरला पंढरपुरात कार्तिकी यात्रा भरणार आहे. या दिवशी उपमुख्यमंत्री अजित पवार यांच्या हस्ते शासकीय महापूजा हाेईल असे सांगण्यात आले. permission-granted-to-celebrate--in-vitthal-rukmini-temple-pandharpur-ajit-pawar-sml80

काेविड १९ च्या पार्श्वभूमीवर गेली दीड वर्ष पंढरपुरात कोणतीही यात्रा भरून शकलेली नाही. त्यामुळे भाविकांसह पंढरपुरातील व्यापारी वर्ग नाराज हाेता. गत काही महिन्यांपासून कोविड १९ ची रुग्ण संख्या कमी झाल्याने शासनाने येथे लावण्यात आलेले अनेक निर्बंध कमी केले आहेत. कार्तिकी यात्रेस शासनाने परवानगी द्यावी अशी मागणी वारकरी संप्रदाय आणि व्यापारी करीत हाेते. श्री विठ्ठल-रुक्मिणी मंदिर समितीने देखील कार्तिक यात्रा झाली पाहिजे अशी भूमिका घेतली होती.

दरम्यान प्रांताधिकारी गजानन गुरव यांनी काेविड १९ च्या मार्गदर्शक तत्वांचे पालन करत यात्रा भरण्यास परवानगी मिळावी असा प्रस्ताव जिल्हा प्रशासनाकडे पाठवला होता. त्यास जिल्हाधिकारी मिलिंद शंभरकर यांनी हिरवा कंदील दाखविला आहे. शंभरकर यांनी यात्रा काळात काेणत्या प्रकारची दक्षता घेण्यास हवी याबाबतच्या सूचनांसह कार्तिक यात्रेचा आदेश काढला.

edited by : siddharth latkar