कैलास चौधरी

उस्मानाबाद - गौतमी पाटील हे नाव सोशल मीडियावर (Social Media) वाऱ्याच्या वेगाने पसरलं आहे. आज संपूर्ण महाराष्ट्रात गौतमी पाटील (Gautami Patil) हे नाव चर्चेत आहे. लावणीच्या नावावर अश्लील हातवारे व हावभाव करण्यावरून गौतमीवर अनेक स्थरातून जोरदार टीका होत आहे. गौतमीच्या अश्लील डान्सची क्लिप सोशल मीडियावर चांगलीच व्हायरल झाली होती. दरम्यान आता गौतमीच्या नव्या कार्यक्रमाचे व्हिडिओ समोर आले आहेत. या कार्यक्रमासाठी लोकांनी प्रचंड गर्दी केलं असल्याचं पाहायला मिळतं.

गौतमी पाटीलच्या अदाकारीने संपूर्ण महाराष्ट्राला वेड लावल आहे. तुळजापूर तालुक्यातील देव वडगाव येथील एका कार्यक्रमात गौतमीचा डान्स पाहण्यासाठी इतकी गर्दी झाली होती, की अनेकांनी चक्क झाडावर चढत गौतमी पाटील हिचा कार्यक्रम पाहिला. या कार्यक्रमाचे व्हिडिओ सोशल मीडियावर व्हायरल झाले आहेत.

वडगाव येथे खंडोबा यात्रेनिमित्त गौतमीच्या कार्यक्रमाचे आयोजन करण्यात आले होते. गर्दी इतकी प्रचंड होती की कार्यक्रम संपल्यानंतर देखील तरुणाई तिथेच थांबून होते. आयोजकांकडून वारंवार सूचना करून देखील प्रेक्षक कार्यक्रम स्थळावरून जायला तयार नव्हता. त्यानंतर पोलिसांच्या गाडीत गौतमी पाटीलला कार्यक्रम स्थळावरून बाहेर पडावे लागले.

कोण आहे गौतमी पाटील?

गौतमी पाटील ही मुळची धुळ्याची आहे. सिंधखेडा या गावात तिचा जन्म झाला. तिथेच ती लहानाची मोठी झाली. गौतमीचा जन्म झाला तसं तिच्या वडिलांनी तिला आणि तिच्या आईला सोडले. त्यानंतर आईच्या वडिलांनी गौतमीचे संगोपन केले. आठवी शिक्षण सोडून ती पुण्यात राहायला आली. गौतमीची आई नोकरी करायची. पण तिचा अपघात झाल्यानंतर गौतमीवर घरची जबाबदारी आली. गौतमीला लहानपणापासून नृत्याची आवड होती. तिने क्लासही लावला होता. दरम्यान अकलूज लावणी महोत्सवात तिने पहिल्यांदा लावणी केली.

Edited By - Shivani Tichkule