पारोळा (जळगाव) : राष्ट्रीय महामार्ग क्रमांक सहा बायपासवर कारला अज्ञात वाहनाने धडक दिली. या झालेल्या आपघातात (Accident) एक ठार तर तीन जखमी झाल्याची घटना मंगळवारी घडली. (Live Marathi News)

धुळेकडून जळगावकडे जात असलेली कारला पारोळा बायपासवर एका अज्ञात वाहनाने जोरदार धडक दिली. त्यात बबलू अनुसे (वय ३५), दुर्गाबाई अनुसे (वय ६४) व गोपीबाई कोकरे (वय ६०) हे जखमी झाले आहेत. तर पुष्पाबाई रमेश काले (वय ४५) यांचा जागीच मृत्यू झाला. याबाबत जखमींना रुग्णवाहिकेने पारोळा कुटीर रुग्णालयात प्राथमिक उपचार करण्यात आले.

बायपास ठरतोय अपघाताची मालिका

येथील बायपासवर (Parola) तिन दिवसात किरकोळ पाच तर मोठे दोन अपघात झाले आहेत. यामुळे नागरिकांमध्ये चिंतेचे वातावरण पसरले असुन बायपास हा अपघाताचा पॉईट ठरतो की काय? असा प्रश्न उपस्‍थीत केला जात आहे. दरम्यान महामार्ग प्राधिकरणाने याबाबत तात्काळ निर्णय घ्यावा अशी मागणी होत आहे.