परभणी : पूर्णा तालुक्यातील कावलगाव- नांदेड महामार्गावरील पुलाचे काम मागील अनेक महिन्यांपासून (Parbhani) सुरू आहे. परंतु या पुलास पर्यायी रास्ता दिलेला नाही. यामुळे आज प्रहार जनशक्ती संघटनेकडून पिंडदान आंदोलन करण्यात आले. (Latest Marathi News)

परभणी जिल्ह्यातील कावलगाव ते नांदेड मार्गावर पुलाचे काम हाती घेण्यात आले आहे. गेल्या अनेक महिन्यापासून हे काम सुरु आहे. परंतु पुलाचे काम सुरु करतांना पर्यायी रस्ता दिलेला नाही. यामुळे परिसरातील नागरिकांना दहा ते बारा किलोमीटरचा वळसा घेऊन पुढे जावं लागत आहे. या विरोधात प्रहार जनशक्ती पक्ष आक्रमक झाला आहे. 

सार्वजनिक बांधकाम विभागाचा निषेध करत पिंडदान कार्यक्रम घेतला आहे. मागील अनेक महिन्यांपासून हा पुलाचे काम रखडलेले आहे. परंतु सार्वजनिक बांधकाम विभाग याकडे लक्ष द्यायला तयार नाही आणि त्यामुळे त्यांचे लक्ष वेधण्यासाठी, हे अनोखे आंदोलन करत, प्रहार जनशक्ती संघटनेने बांधकाम विभागाचा निषेध केला आहे.