परभणी : परभणी जिल्ह्यातील गंगाखेड येथे रविवारी गटारीनिमित्त नगरपालिकेच्या बाळासाहेब ठाकरे सभागृहामध्ये बिर्याणी पार्टीचे आयोजन करण्यात आले होते. जिल्ह्यासह राज्यभर या पार्टीची जोरदार चर्चा झाली. नगरसेवकांसह नगरपालिका कर्मचारी यावेळी बिर्याणीवर ताव मारत असताना सीसीटीव्हीत कैद झाले होते.

हे देखील पहा -

या पार्टीचा सर्व स्तरातून निषेध व्यक्त केला जात असताना नागरपालिका प्रशासन या घटनेची सारवासारव करत आहे. दरम्यान, माध्यमांनी बातमी प्रसारित केल्या नंतर मुख्यधिकारी लोमटे यांनी कारवाई सुरू केली खरी मात्र, संबंधित नगरसेवक आणि कर्मचाऱ्यांवर कारवाई करणे अपेक्षित असताना नगरपालिका प्रशासनाकडून केवळ एका सफाई कामगाराला खुलासा नोटीस दिली आहे.

चोवीस तासात खुलासा सादर करण्याची त्यांनी पत्राद्वारे सूचना केली आहे. दरम्यान, परभणीत नुकत्याच दाखल झालेल्या जिल्हाधिकाऱ्यांकडून कठोर कारवाई होणे अपेक्षित असतांना ही अपेक्षा ही फोल ठरलीय. जिल्हाधिकारी आंचल गोयल यांनी या प्रकरणात लक्ष घातले नाही. त्यामुळे नगर पालिका प्रशासनाकडून थातुरमातुर कारवाई करण्याचा प्रयत्न सुरु असल्याचे मुख्याधिकाऱ्यांच्या पत्रावरून दिसून येते. त्यामुळे चोराला सोडून संन्याशाला फाशी देण्याचा हा प्रकार आहे.

Edited By : Krushnarav Sathe