परभणी : पूर्णा तालुक्यातील असोला पाटीवर सायंकाळच्या सुमारास मोटारसायकलला अज्ञात वाहनाने धडक दिली. या अपघातात (Accident) दुचाकीवरील आसोला गावातील दोन तरुणांचा जागीच मृत्यू झाल्याची (Parbhani) घटना घडली. या घटनेमुळे आसोला गावात शोककळा पसरली आहे.  (Live Marathi News)

परभणीच्या ताडकळस पोलिस ठाण्याच्या हद्दीतील असोला पाटीवर मोटरसायकलला अपघात झाला. अपघाताची तीव्रता मोठी असल्याने मोटरसायकलवरील दोन तरुणांचा मृत्यू झाला. दत्ता अनंतराव जावळे (वय २८) व विशाल ज्ञानोबा भरोसे (वय २०) असे अपघातात मृत झालेल्या तरुणांचे नावे आहेत. दोघेजण असोला गावातुन असोला पाटीवर येथे आले होते. या दरम्यान कोणत्या तरी वाहनाने मोटारसायकलला जोरदार धडक दिली. या अपघातानंतर सदर वाहनचालक वाहन घेऊन पसार झाला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान या अपघातात दोघेही गंभीर जखमी झाले. त्यांना तात्काळ परभणी येथील जिल्हा रुग्णालयात उपचारासाठी नेण्यात येत होते. मात्र दवाखान्यात जात असताना विशाल भरोसे यांचा वाटेतच तर उपचारादरम्यान दत्ता जावळे यांचा मध्यरात्री मृत्यू झाला. या घटनेची माहिती मिळताच, ताडकळस पोलिस ठाण्याचे या अपघाताची नोंद झाली असून ताडकळस पोलिस अज्ञात वाहनाचा शोध घेत आहेत.