राजेंद्र काटकर, प्रतिनिधी...

Parabhani News: महाराष्ट्र सरकारचा शासन आपल्या दारी कार्यक्रम आज परभणीमध्ये पार पडत आहे. मुख्यमंत्री एकनाथ शिंदे उपमुख्यमंत्री देवेंद्र फडणवीस आणि अजित पवार यांच्या उपस्थितीत हा कार्यक्रम होत आहे. वसंतराव नाईक मराठा कृषी विद्यापीठात होत असलेल्या या कार्यक्रमात बोलताना देवेंद्र फडणवीस यांनी पंतप्रधान नरेंद्र मोदींचे कौतुक केले. तसेच विरोधकांवरही टीकास्त्र सोडले.

काय म्हणाले देवेंद्र फडणवीस?

परभणीच्या कार्यक्रमात बोलताना देवेंद्र फडणवीस (Devendra Fadanvis) यांनी शासन आपल्या दारी या कार्यक्रमाची माहिती दिली. तसेच राज्य सरकारने केलेल्या विकासकामांची यादीही वाचून दाखवली. कार्यक्रमात बोलताना फडणवीसांनी विरोधकांवर टीकास्त्र सोडले.

"आमचे विरोधक सकाळपासून रात्रीपर्यंत टीकाच करतात. सकाळी ९ वाजता एक भोंगा सुरू होतो आणि रात्री १० वाजेपर्यंत दुसरे भोंगे सुरू असतात. माझा यांना सवाल आहे. आमच्यावर पाहिजे तेवढी टीका करा, आम्ही टीकेला घाबरत नाही. पण विकासाच्या मुद्द्यावर बोला." असे ते यावेळी म्हणाले.

"मुख्यमंत्र्यांचं (Eknath Shinde) परभणीवर प्रेम आहे. काळजी करु नका. येत्या काळात परभणीचं चित्र बदलेले दिसेल. यावेळी मुख्यमंत्र्यांना उद्देशून मुख्य रस्त्यांना काँक्रिटच्या रस्त्यात बांधलं पाहिजेत असेही उपमुख्यमंत्री देवेंद्र फडणवीस यावेळी म्हणाले. तसेच समृद्धी महामार्गाप्रमाणे नागपूर ते गोवा असा शक्तिपीठ महामार्ग करण्यात येणार असल्याची घोषणाही त्यांनी यावेळी केली. (Latest Marathi News)