Pandharpur News :

वर्षभरापूर्वी पुंढरपूरातील तुळशी वृंदावनातील (pandharpur tulsi vrindavan) संतांच्या मंदिरांची तातडीने दुरूस्ती करणे आवश्यक असल्याचे वृत्त साम टीव्हीने प्रसारित केले होते. सामच्या बातमीची दखल घेवून वनविभागाने येथील दुरुस्तीचे काम तात्काळ हाती घेतले. आता हे काम पूर्ण झाले असून भाविकांना पंढरपूर येथील प्रसिद्ध असलेले तुळशी वृंदावन खुले झाले आहे. (Maharashtra News)

वर्षभरापूर्वी येथील तुळशी वृंदावनातील संत चोखामेळा ((Sant Chokhamela) आणि संत एकनाथ महाराज (Sant Eknath Maharaj) यांची मंदिर कोसळली होती. मंदिरे कोसळल्याची पहिली बातमी साम टीव्हीने दाखवली होती. तसेच येथे दुरुस्ती करणे आवश्यक असल्याचे मांडले हाेते.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सामच्या बातमीची दखल घेवून वनविभागाने तुळशी वृंदावनातील संतांच्या मंदिर दुरूस्तीचे काम हाती घेतले होते. एक वर्षानंतर दुरुस्तीचे काम पूर्ण झाले आहे.

आठ जानेवारी पासून येथील तुळशी वृंदावन भाविकांसाठी खुले देखील करण्यात आले आहे. यामध्ये नव्याने क्युआर कोड बसवण्यात आले आहेत. या माध्यमातून तुळशीच्या विविध जाती बरोबरच संतांचे महात्म्य भाविकांना जाणून घेता येत आहे.

वनमंत्री सुधीर मुनगंटीवार (sudhir mungantiwar) यांनी खास बाब म्हणून पंढरपुरात तुळशी वृंदावन उभारले आहे. सुमारे सहा कोटी रूपये खर्च करून तुळशी वृंदावन उभारले आहे. भाविकांबरोबरच पर्यटक देखील आवर्जून येथील तूळशी वृंदावनाला भेट देतात.

Edited By : Siddharth Latkar