पंढरपूर : गाईच्‍या व म्‍हशीच्‍या दूधाला दर कमी मिळत आहे. या दूध दरवाढीसाठी (Pandharpur) पंढरपुरात राष्ट्रवादी (NCP) आक्रमक झाली आहे. दरवाढीकरीता राष्‍ट्रवादी कॉंग्रेसतर्फे रस्‍त्‍यावर उतरून आंदोलन करण्यात आले. तसेच यावेळी रास्‍ता रोको देखील केला. (Latest marathi News)

दूधाच्‍या दरात राज्‍य सरकारकडून वाढ केली जात नाही. यामुळे दूध उत्‍पादक (Farmer) शेतकरी देखील अडचणीत आहे. गाईच्या दूधाला ४० व म्हशीच्या दूधाला ७० रूपये भाव मिळावा; या मागणीसाठी राष्ट्रवादीचे नेते भगीरथ भालके यांच्या नेतृत्वाखाली आज पंढरपूर- मंगळवेढा रस्त्यावर दूध उत्पादक शेतकऱ्यांनी रास्तारोको आंदोलन केले.

वाहतूक विस्‍कळीत

सुमारे तासभर चाललेल्या आंदोलनामुळे या मार्गावरील वाहतूक विस्कळित झाली होती. राज्य सरकारने दूध दरवाढ (Milk Price) जाहीर करावी अन्यथा यापेक्षा तीव्र आंदोलन केले जाईल; असा इशारा भगीरथ भालके यांनी दिला आहे.