पंढरपूर : पंढरपूर येथील विठ्ठल रुक्मिणी दर्शनासाठी भाविकांची दिवसेंदिवस संख्या वाढू लागली आहे. दररोज (Pandharpur) हजारो भाविक पंढरीत येवून विठ्ठल दर्शन घेत आहेत. भाविकांची संख्या वाढल्याने मंदिर समितीकडून तयार केलेल्या लाडू प्रसादाला ही मोठी मागणी वाढली आहे. (Maharashtra News)

पंढरपूरमध्ये विठ्ठल रुख्मिणी दर्शनासाठी येत असलेल्या भाविकांकडून लाडूच्या प्रसादाची मोठी मागणी असते. सुरवातीला लाडू प्रसाद तयार करण्याचे काम हे ठेकेदाराकडून केले जात होते. दरम्यान ठेकेकदारी पध्दत बंद करून समितीने (Vitthal Rukhamini Temple) स्वतः लाडू प्रसाद तयार करण्याचे काम हाती घेतले आहे. अलीकडच्या काळातील लाडू प्रसादाच्या उत्पादनातील ही विक्रमी वाढ समजली जात आहे.

१० लाख लाडूंची विक्री 

मंदिर समितीने लाडू बनविण्याचे काम हाती घेतल्यापासून तीन महिन्यामध्ये मंदिर समितीने १० लाख लाडू तयार करून विक्री केली. त्यामधून सुमारे 2 कोटी 15 लाख  रूपयांचे उत्पन्न मिळाले आहे.