पंढरपूर : मराठा आरक्षणासाठी कार्तिकी एकादशीच्या दिवशी उपमुख्यामंत्र्यांच्या हस्ते शासकीय पूजा होऊ (Pandharpur) देण्यास मराठा समाजाने विरोध दर्शविला होता. यामुळे पूजा होणार कि नाही याबाबत प्रश्नचिन्ह होते. मात्र (Kartiki Ekadashi) कार्तिकीच्या महापूजेच्या विरोधातील सकल मराठा समाजाचे आंदोलन मागे घेतल्याने आता महापूजेचा मार्ग मोकळा झाला आहे. (Breaking Marathi News)

कार्तिकी एकादशी दोन दिवसांवर आहे. पंढरपुरात भाविक विठुरायाच्या दर्शनासाठी दाखल झाले आहेत. दरम्यान मराठा समाज आरक्षणाच्या प्रमुख मागणीसह काही मागण्यासाठी आक्रमक झालेला होता. शिवाय कार्तिकी एकादशीला उपमुख्यमंत्र्यांच्या हस्ते होणाऱ्या कार्तिकी महापूजेला विरोध दर्शविला होता. मागण्यांवर तोडगा काढण्यासाठी प्रशासनाने आज पुन्हा बैठक बोलवली होती. या बैठकीत आज पंढरपुरातील सकल मराठा समाजाने केलेल्या मागण्यांवर प्रशासनाने सकारात्मक भूमिका घेतल्याने उपमुख्यमंत्र्यांच्या विरोधातील आंदोलन मागे घेतले आहे. परिणामी कार्तिकीच्या महापूजेचा मार्ग मोकळा झाला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

या मागण्या झाल्या मान्य 
प्रशासनाने मराठा समाजाच्या मागण्यांवर तोडगा काढण्यासाठी दुसऱ्यांदा बैठक बोलावली. यात मराठा भवन बांधून द्यावेत, सार्थी संस्थेचे पंढरपुरात उपकेंद्र सुरू करावे, विद्यार्थी वस्तीगृह सुरू करावे, आरक्षणासंदर्भात (Maratha Aarkshan) चर्चा करण्यासाठी उपमुख्यमंत्र्यांनी सकल मराठा शिष्ट मंडळाशी चर्चा करण्यासाठी वेळ द्यावा. आदी मागण्या मान्य केल्या. यानंतर उपमुख्यमंत्र्यांच्या हस्ते होणाऱ्या कार्तिकीच्या शासकीय महापूजेला सकल मराठा समाजाचा  हिरवा कंदील दिला आहे.