पंढरपूर : आषाढी यात्रेच्या निमित्ताने तेलंगणाचे मुख्यमंत्री के चंद्रशेखर राव यांच्यावतीने विठ्ठल रुक्मिणी मंदिर (Vitthal Rukhmini Temple) आणि पालखी सोहळ्यावर पुष्पवृष्टी करण्यात येणार होती. दरम्यान या (Pandharpur) पुष्पवृष्टीला जिल्हा प्रशासनाने परवानगी नाकारली आहे. (Live Marathi News)

आषाढी यात्रेच्या निमित्ताने तेलंगणाचे मुख्यमंत्री के चंद्रशेखर राव आपल्या मंत्रिमंडळासह विठ्ठल रुक्मिणीच्या दर्शनासाठी मंगळवारी (२७ जून) पंढरपुरात येणार आहेत. येथे आल्यानंतर मुख्यमंत्र्यांकडून विठ्ठल रुक्मिणी मंदिर आणि पालखी सोहळ्यावर हेलिकॉप्टरमधून पुष्पवृष्टी करण्यात येणार होती. तशी प्रशासनाकडे परवानगी मागितली होती. दरम्यान प्रशासनाने सुरक्षिततेच्या कारणावरून अशी कोणत्याही प्रकारची पुष्पवृष्टी करता (Ashadhi Wari) येणार नाही असे सांगत परवानगी नाकारली आहे.

द्वेशातून नाकारल्‍याचा आरोप

तेलंगणाचे मुख्‍यमंत्री के चंद्रशेखर राव यांच्‍या बीआरएस पक्षाच्‍यावतीने ही परवानगी मागितली होती. मात्र प्रशासनाने पुष्‍पवृष्‍टीस परवानगी नाकारली आहे. यामुळे ही परवानगी राजकीय द्वेशातून नाकारल्याचा आरोप बीआरएस पक्षाचे प्रदेश अध्यक्ष माणिक कदम यांनी केला आहे.