Maratha Andolan : मराठा आरक्षणासाठी महाराष्ट्रात सुरु असलेले आंदोलनाचे लोण आता राजधानी दिल्लीत (maratha andolan in delhi for maratha reservation) पोचले आहे. जाेपर्यंत आरक्षण मिळत नाही ताेपर्यंत दिल्लीतील ठिय्या हटणार नाही असा निर्धार मराठा आंदाेलकांनी केला आहे. (Maharashtra News)

मराठा समाजाला आरक्षण मिळावे या मागणीसाठी व मनोज जरांगे पाटील (manoj jarange patil) यांच्या समर्थनार्थ सोलापूरच्या जनहित कुणबी शेतकरी संघटनेने दिल्लीच्या जंतर मंतर मैदानावर आंदोलन सुरू केले आहे. प्रभाकर देशमुख यांच्या नेतृत्वाखाली संघटनेच्या कार्यकर्त्यांनी बुधवार पासून हे आंदोलन सुरू केले आहे.

देशमुख व त्यांच्या सहकाऱ्यांनी वनवास पोशाख घालून घोषणाबाजी करत जंतर मंतर मैदान दणाणून सोडले आहे. मराठा समाजाची प्रत्येक सरकारने फसवणूक केली आहे. यापुढे मराठा समाज सरकारच्या फसव्या आश्वासनाला बळी पडणार नाही.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मनोज जरांगे पाटील यांच्या जीवाचे बरेवाईट होण्यापूर्वी आरक्षण द्यावे, जो पर्यंत आरक्षण मिळत नाही तो पर्यंत दिल्लीच्या या मैदानावरून आम्ही हटणार नाही असा इशारा संघटनेने अध्यक्ष देशमुख यांनी दिला आहे.

Edited By : Siddharth Latkar