पालघर : पश्चिम रेल्वेच्या पालघर रेल्वे स्थानकाजवळ भीषण अपघाताची घटना घडली आहे. भरधाव जयपूर एक्स्प्रेसने तिघांना चिरडल्याची घटना घडली आहे. पालघरच्या हनुमान मंदिर चौक येथील बंद फाटकाजवळ ही अपघात झाल्याची माहिती मिळाली आहे. या अपघातात दोघांचा जागीच मृत्यू झाला आहे. तर एक जण गंभीर जखमी आहे.

मिळालेल्या माहितीनुसार, पश्चिम रेल्वेच्या पालघर रेल्वे स्थानकाजवळ अपघात झाला. पालघर रेल्वे स्टेशनजवळील हनुमान मंदिर चौक येथील बंद फाटकाजवळ भरधाव ट्रेनने तिघांना चिरडल्याची घटना घडली आहे. ट्रेनच्या धडकेत दोघांचा जागीच मृत्यू झाला आहे. तर एक जण गंभीर जखमी झाला आहे.

या अपघाताची माहिती मिळताच आरपीएफ आणि रेल्वे पोलीस घटनास्थळी पोहोचले आहेत. मृतांची ओळख पटवण्याचं काम सुरु आहे. जखमीवर पालघर मधील रुग्णालयात उपचार सुरू आहेत.

नेमकं काय घडलं?

मुंबईहून गुजरातकडे जाणाऱ्या भरधाव जयपूर एक्स्प्रेसने पालघरजवळ तिघांना चिरडल्याची घटना घडली आहे. पश्चिम रेल्वेच्या पालघर हनुमान मंदिर चौक परिसरात असलेल्या बंद रेल्वे फाटकाजवळ भीषण अपघात झाला. या अपघातात दोघांचा जागीच मृत्यू झाला आहे. तर एक जण गंभीर जखमी झाला आहे.

या अपघातामधील जखमीवर पालघरच्या खाजगी रुग्णालयात उपचार सुरू आहे. रेल्वे रुळ ओलांलडताना करताना अपघात झाल्याची माहिती हाती आली आहे. अपघातानंतर रेल्वे पोलीस घटनास्थळी पोहोचले. पोलिसांकडून मृतांची ओळख पटवण्याचं काम सुरू आहे. या भीषण अपघातानंतर परिसरात एकच खळबळ उडाली आहे.