पालघर : सध्या सेल्फी काढण्याचा मोह अनेक जणांना आवरत नाही. असाच प्रकार (Palghar) पालघर जिल्ह्यातील वाघाडी येथे घडला आहे. सेल्फी (Selfe) काढतांना महिला नदीत पडली. परंतु सुदैवाने वेळीच मदत मिळाल्याने ती बचावली आहे. (Tajya Batmya)

नदीला आलेला पूर असो कि पाण्याचा धबधबा असो. येथे सेल्फी काढायला जातात आणि अघटित असे घडते. नदीला पूर असल्याने भीम बांध येथे पर्यटकांची गर्दी होत आहे. आज रविवार असल्या कारणाने पालघर जिल्ह्यात नदी, धबधबे या पर्यटनस्थळांवर पर्यटन स्थळावर पर्यटकांची मोठी गर्दी पाहायला मिळते. मात्र मज्जा करण्याच्या नादात पर्यटन आपला जीव धोक्यात घालत आहेत. असाच प्रकार आज सूर्या नदीवरील वाघाडी येथील भीम बांध येथे घडला. 

नदीत उडी मारून महिलेला वाचविले 

दरम्यान भीम बांध येथे आलेली एक महिला सेल्फी काढायच्या नादात सूर्यानदीत पडली. नदीत पडल्यानंतर आरडाओरड सुरु झाली. यावेळी डहाणू पंचायत समितीचे उपसभापती पिंटू गहला यांनी तातडीने नदीमध्ये उडी मारली. यानंतर त्यांनी महिलेला बाहेर काढत वाचविले.