सातारा : सातारा (satara) जिल्ह्यातील माण तालुक्यात विजेच्या गडगडाटासह झालेल्या मुसळधार पावसात अंगावर वीज पडून एका मेंढपाळचा जागीच मृत्यू झाला आहे. गेल्या दाेन दिवसांपासून जिल्ह्यात दिवसभर ढगाळ वातावरण असते. दुपारच्या सुमारास वादळी वा-यासह पाऊस (rain) येताे आणि त्यातून काही ठिकाणी झाडे उन्मळून पडणे, पत्रे उडून जाणे अशा घटना घडताहेत. (satara pre monsoon rain marathi news)

माण तालुक्यातील कापुसवाडी येथील मेंढपाळ संजय गोरड (sanjay gorad) यांच्या अंगावर वीज पडल्याने ते जागीच ठार झाले. गोरड हे परिसरातील भोजलींग डोंगरावर शेळ्या राखण्यासाठी गेले होते.

गुरुवारी सोसाट्याच्या वाऱ्यासह मुसळधार पावसास प्रारंभ झाला. जिल्ह्यातील बहुतांश भागात झाडे उन्मळून पडली. काही घरांवरील पत्रे उडून गेले. या पावसातच अंगावर वीज पडल्याने संजय गोरड यांचा जागीच मृत्यू झाला.

Edited By : Siddharth Latkar