अमरावती : जिल्ह्यात मनाला हादरवून टाकणारी घटना घडली आहे. मोरशी तालुका अंतर्गत येणाऱ्या भोईपुरी या गावात सकाळच्या सुमारास उकिरड्यावरील कचऱ्यात एक स्त्री जातीचे अर्भक मिळाल्याची माहिती समोर आली आहे. या घटनेमुळे त्यामुळे गाव हादरुन गेले आहे. अर्भक केवळ एका दिवसाचे असल्याने ही बातमी वाऱ्यासारखी पंचक्रोशीत पसरली होती.

मंगळवार (ता. 28 डिसेंबर) रोजी मोर्शी ते वरुड असलेल्या भाईपुर जवळ स्त्री जातीचे एक दिवसाचे नवजात अर्भक आढळून आल्याने परिसरात खळबळ उडाली. कोणीतरी अज्ञात कुमारी मातेने नकोशी असलेल्या मुलीला जन्म दिला. व तिला मारून फेकून दिले आहे, अशी गावात चर्चा होत आहे.

हे देखील पहा-

याबाबत माहिती मोर्शी पोलिसांना मिळताच, पोलीस पथक घटनास्थळी पोहोचले आणि सदर स्त्री जातीचे मृत अर्भक त्यांनी उपजिल्हा रुग्णालय येथे आणण्यात आले. दरम्यान, पोलीस मातेचा शोध घेत आहे. मोर्शी पोलिस ठाण्यात या प्रकरणी अज्ञात व्यक्तीविरुद्ध गुन्हा दाखल करण्याची प्रक्रिया सुरु आहे.