Prakash Shendge News:

'सरसकट मराठा समाजाला कुणबी प्रमाणपत्र देण्यास आमचा कायम विरोध आहे. सरकारने तसा जीआर काढला तर आम्ही कोर्टामध्ये जाऊ. तसेच 2024 ला सरकारला खाली खेचू,असा इशारा ओबीसी नेते प्रकाश शेंडगे यांनी दिला. ते पत्रकार परिषदेत बोलत होते. (Latest Marathi News)

ओबीसी नेते प्रकाश शेंडगे यांनी पत्रकार परिषद घेऊन आरक्षणावरील भूमिका स्पष्ट केली. 'बीडमधील आंदोलक आमचे नसल्याचे मनोज जरांगे म्हणाले. एक महिन्या नंतरही मास्टर माईंड सापडला नाही. ओबीसी समाज दहशती खाली आहे. यामागे कोणी राजकीय व्यक्ती आहे का, याचा शोध घ्यावा, अशी मागणी प्रकाश शेंडगे यांनी केली.

'सभेला जागा देणाऱ्या शेतकऱ्यांना नुकसान भरपाई दिली. मग बीडमध्ये नुकसान भरपाई का दिली नाही? आता छगन भुजबळ यांना लक्ष्य केले जात आहे. ओबीसी समाजाला भीतीतून बाहेर काढण्यासाठी मेळावा घेतला. आता यापेक्षा मोठा मेळावा हिंगोली येथे होणार आहे. तेथे बावनकुळे यांनाही बोलावले आहे. त्यांच्यासह अनेक नेते उपस्थितीत राहील, असे शेंडगे यांनी सांगितले.

'मराठा समाजाला सरसकट कुणबी प्रमाणपत्र देऊ नये ही आमची मागणी आहे. मराठा मोर्चाला आमचा पाठिंबा होता. पण त्यांचे आरक्षण कोर्टात टिकू शकले नाही. त्यामुळे त्यांना आताही आरक्षण मिळू शकत नाही. आता इड्ब्लूएस आरक्षण मराठा समाजाला आहे. तुम्ही ओबीसीमधूनच आरक्षण मागत आहात. हे चुकीचे आहे. आज बीडमध्ये पाचशे ओबीसी बांधवांनी मराठा समाजाच्या एकही नेत्याला मतदान करणार नाही अशी शपथ घेतली आहे, असे त्यांनी सांगितले.('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

'आमच्या लेकरा बाळाचे हक्काचे आरक्षण काढू देणार नाही. असे झाले तर आम्ही सरकार खाली खेचू. लिंगायत समाज सुद्धा या लढाईमध्ये आमच्या सोबत आहे. काय होईल ते बघू, पण ओबीसीमधून आरक्षण देऊ देणार नाही. जर निर्णय झाला तर कोर्टात दाद मागणार आहोत, असे शेंडगे यांनी स्पष्ट केले.

'पंकजा मुंडे यांना भाजपने पाठवले नाही, हा त्यांच्या पक्षाचा प्रश्न आहे. मंत्री छगन भुजबळ यांनी भडकाऊ भाषण केले नाही. गावबंदीचे बॅनर काढा असे पोलिसांना म्हटले. हिंगोलीची सभा मोठी होणार आहे. खरंतर मनोज जरांगे यांच्यामुळे माळी समाजाचा फुल व्यवसाय वाढला. त्यांनी अशाच सभा घ्याव्यात, असेही ते पुढे म्हणाले.