Nitin Gadkari Threat Case: केंद्रीय मंत्री नितीन गडकरी यांना 21 मार्च रोजी जीवे मारण्याची धमकी देणारा कॉल आला होता. बेळगाव येथील कारागृहात जन्मठेपेची शिक्षा भोगत असेलेला गुंड जयेश पुजारीने गडकरींच्या ऑरेंज सिटी हॉस्पिटलजवळील कार्यालयात किमान तीन वेळा फोन करून 10 कोटी रुपयांची मागणी केली होती. ही मागणी पूर्ण न केल्यास गडकरींना जीवे मारण्याची धमकी देण्यात आली होती.

या धमकीच्या कॉलनंतर चार दिवसांनी नागपूर पोलिसांच्या पथकाने 25 मार्च रोजी जयेश पुजारी याला बेळगाव येथील कारागृहातून ताब्यात घेतले आहे. पोलिसांनी त्याच्याकडून किमान दोन मोबाईल आणि दोन सिमकार्ड जप्त करण्यात केले जे तो तुरुंगात बेकायदेशीरपणे वापरत होता.

दरम्यान या प्रकरणार पोलिसांच्या चौकशीत जयेश पुजारीने धक्कादायक खुलासे केले आहेत. डॅान व्हायचं म्हणून त्याने केंद्रीय मंत्री नितीन गडकरी यांना धमकीचा कॅाल केला असा खुलासा जयेश पुजारी याने केली आहे. 'डॉन' म्हणून नावारूपास येण्यासाठीच गडकरी यांना धमकी दिली असा नवा खुलासा पुजारीने केला आहे.

जयेश पुजारी ऊर्फ कांथा हा सध्या नागपूर धंतोली पोलिसांच्या ताब्यात आहे. बेळगाव कारागृहात जन्मठेपेची शिक्षा भोगत असताना जयेश पुजारीने नितीन गडकरी यांच्या कार्यालयात खंडणीसाठी कॉल केले होते. सध्या ‘प्रोडक्शन वॉरन्ट’वर जयेश पुजारी नागपुरात आणण्यात आले आहे. (Latest Marathi News)

यापूर्वी 14 जानेवारी रोजी देखील पुजारीने गडकरींच्या कार्यालयाला कॉल करून 100 कोटी रुपये देण्याची मागणी केली होती. त्यानंतर 21 मार्च रोजी त्याने पुन्हा कॉल करून 10 कोटी रुपये मागितले होते. आपण फरारी माफिया डॉन दाऊद इब्राहिम कासकरचा खास असल्याचा दावा देखील त्याने केला होता.