Nitin Gadkari Statement on Bureaucracy & Work Culture : आपले वरिष्ठ गाढवाला घोडा आहे असं म्हणत असेल तर तो गाढव घोडाच आहे असे सांगायचे. कारण बॉस ऑलवेज करेक्ट असतो, असे केंद्रीय मंत्री नितीन गडकरी यांनी सांगितले. ते नागपूरात इंडियन बिल्डिंग काँग्रेसतर्फे आयोजित कार्यक्रमात बोलत होते. सरकारमध्ये आऊट ऑफ बॉक्स काम करणे किती कठीण आहे, हे मला माहित आहे. मलेशियातील इंजिनिअरने डिस्टेन्स टेक्नॉलॉजी आणली होती. वरील भीम त्यांनी स्टील फायबरमध्ये बनवले. त्यामुळे १२० मीटरपर्यंत डिस्टन्स वाढू शकते. ते करताना खूप घाम निघाला. चुकीचं किंवा आउट डेट असेल तरीही सरकार असेच चालवा म्हणते. सरकारमध्ये आजूबाजूला बघायचं नाही. सिनियर सांगतात ते करायचं. सिनियर गाढवाला घोडा म्हणत असेल तर तो गाढव घोडाच आहे, हे असे सांगायचे, असा माहोल असतो. कारण बॉस ऑलवेज करेक्ट, असे विधान नितीन गडकरी यांनी केले आहे.

कोणाला काम द्याच, असा राजकीय दबाव असला तरी मार्ग काढून काम करा

प्रत्येक कंत्राटदाराने चांगलं काम करावे. त्याचं श्रेय निश्चित मिळते, परंतु राजकारणांच्या जवळचे कंत्राटदार, आर्किटेक्ट यांना काम द्या, त्याला देऊ नका असं सांगत अधिकाऱ्यांवर दबाव असतो. मात्र त्यातूनही मार्ग काढता येऊ शकतो, असं म्हणत केंद्रीय मंत्री नितीन गडकरी यांनी मुंबईचे सह्याद्री अतिथिगृहाचे कामाचं कौतुक करताना ताजमहालापेक्षा सुंदर बांधलं असं सांगितलं.

मी अकरा वर्षे मंत्री राहिलो. पण काही चुका लक्षात यायला ११ वर्ष लागले. रोड बनताना डायव्हर्शन बनतो, तीन-तीन, पाच-पाच वर्षे त्या डायव्हर्शन सोडून हेवी वाहतूक होते. मुख्य रोडच्या तुलनेत डायव्हर्शनचं हे खूप लाईट डिझाईन असतं. याच डायव्हर्शनमुळे सोशल मीडियावर मात्र यावरून माझा कामावर टीका होते, असे गडकरी म्हणाले.

चांगलं काम केलं तर त्याचं क्रेडिट मिळत असते. पण अधिकाऱ्यांच्या काही मर्यादा असतात, कारण त्यांच्यावर राजकीय दबाव असतो. आमचे काही आर्किटेक्ट असतात, त्याला काम द्या, त्याला काम देऊ नका असे सांगणारे राजकारणी असतात. यामधूनही मार्ग काढून चांगलं काम केलं जाऊ शकतं. यावर उदाहरण देताना मुंबईतील सह्याद्री गेस्ट हाऊस राज्य बांधकाम विभागाकडून काम करण्यात आले. कादरी नावाचे आर्किटेक्ट यांनी ताजमहालापेक्षा सुंदर अतिथी गृह बांधलं, त्या कामाचं गडकरी यांनी अशा शब्दात कौतुकही केलं.