- जितेश कोळी

Nilesh Rane : उद्धव बाळासाहेब ठाकरे शिवसेना पक्षाचे नेते आमदार भास्कर जाधव (bhaskar jadhav) यांनी शिंदे-फडणवीस सरकार मधील मुख्य नेत्यांच्या मिमिक्री केल्यानंतर माजी खासदार निलेश राणे (nilesh rane) यांनी भास्कर जाधव यांच्यावर शिवराळ भाषेत टीका (Rane Vs Bhaskar Jadhav) केली आहे. राणेंनी व्हिडिओ ट्विट (tweet) करून जाधव यांना औकातीत राहा असा इशारा दिला आहे.

राणेंनी ट्विट केलेल्या व्हिडिओमध्ये त्यांनी भास्कर जाधव यांना उद्धव ठाकरे यांचा आयटम गर्ल आहेस का असा प्रश्न विचारला आहे. जाधव यांना राणेंनी तू आम्हांला ताेंड उघडायला लावू नकाेस असा इशारा दिला आहे.

राणे यांनी शिवराळ भाषा वापरत भास्कर जाधव हे त्यांच्या कुटुंबाचे हाेऊ शकले नाहीत तर उद्धव ठाकरेंचा काय हाेणार असे म्हटलं आहे. उद्धव ठाकरेंना लाेक कळलेच नाही असे म्हणत म्हणून तूला त्यांनी ठेवलं आहे असेही राणेंनी नमूद केले.

दरम्यान माजी खासदार निलेश राणे यांनी भास्कर जाधव यांनी केलेल्या नकलेचा चांगलाच समाचार घेतला आहे. त्यामुळे कोकणात आता पुन्हा एकदा जाधव विरुद्ध राणे (Rane Vs Bhaskar Jadhav) असा संघर्ष पेटण्याची शक्यता वर्तवली जात आहे. (Maharashtra News)

Edited By : Siddharth Latkar