रत्नागिरीः : देवेंद्र फडणवीस (Devendra Fadnavis) यांना नोटीस पाठवल्या प्रकरणारती बोलताना भाजप नेते माजी खासदार निलेश राणे यांनी राज्य सरकारवर टिका केली तसंच त्यांनी उपमुख्यमंत्री अजित पवार यांच्यावर आरोप केले. ते म्हणाले, अजित पवार (Ajit Pawr) हे अर्थ खात्यासाठी योग्य नाहीत, त्यांना अर्थ खातं किती कळतं ते माहीत नाही अशी टीका करतच पवारांना फक्त कारखाने लुटायचं माहित आहे असा गंभीर आरोप राणे (Nilesh Rane) यांनी केला, ते आज चिपळूणमध्ये पत्रकार परिषदेत बोलत होते.

'पवार हे अर्थ खात्यासाठी योग्य नाहीत. त्यांना अर्थ खातं किती कळतं ते माहीत नाही, पण अलोकेशन ऑफ फंड म्हणजे बजेट नव्हे. मी स्वतः फायनान्सचा विद्यार्थी. मला बजेट (Budget) माहीत आहे. अलोकेशन ऑफ फंड म्हणजे इम्प्लिमेंट ऑफ फंड नाही.

मराठी भवनासाठी (Marathi Bhavan) प्रत्येक वेळी निधी जाहीर होतो, पण आजवर एकही विट रचलेली नाही. कोकणातील गडकिल्ल्याना फक्त निधी जाहीर करतात. प्रत्यक्षात किल्ले ढेपाळत आहेत. वित्तीय तुट कशी झाली यावर अजित पवार बोलतील का? त्यांना फक्त कारखाने कसे लुटायचे ते माहीत. अशी गंभीर टीका निलेश राणे यांनी केली. दरम्यान, संजय राऊत हे शिवसेनेला (Shivsena) संपवून राष्ट्रवादीचे (NCP) खासदार होतील ते १०० टक्के पवारांचा माणूस असल्याचंही ते यावेळी म्हणाले.

Edited By - Jagdish Patil