महाराष्ट्राच्या राजकारणात शिंदेसेना आणि ठाकरे सेनेत 'इनकमिंग-आउटगोईंग'ची अहमहमिका सुरू असतानाच, शिंदेसेनेचे आमदार नीलेश राणे यांनी ठाकरेंच्या माजी आमदाराबाबत गौप्यस्फोट करून राजकीय वर्तुळात खळबळ उडवून दिली आहे. माजी आमदार वैभव नाईक हे शिंदेंच्या शिवसेनेतून २०२४ च्या विधानसभा निवडणुकीत कुडाळ-मालवण मतदारसंघातून लढायला तयार होते, असं राणे म्हणाले.
वैभव नाईक हे अँटी चेम्बरमध्ये येऊन बसायचे. त्यांच्या बैठका पण झाल्या होत्या. फक्त एबी फार्म घ्यायचा बाकी होता. मात्र मी मालवणमधून निवडणूक लढवावी यासाठी उदय सामंत यांनी माझं प्रेझेन्टेशन शिंदे साहेबांकडे केलं. त्यामुळेच मी कुडाळ-मालवण मतदारसंघातून आमदार झालो, असंही राणे म्हणाले.
वैभव नाईक हे ठाकरेंची साथ सोडून २०२४ मध्ये शिंदेंच्या शिवसेनेकडून विधानसभा निवडणूक लढणार होते, असा दावाही राणेंनी केला. तर नीलेश राणेंच्या दाव्यावर वैभव नाईक यांनी प्रत्युत्तर दिले आहे. शिंदेंनीच मला अनेकदा बोलावले होते, पण ठाकरेंशी गद्दारी करून मला आमदार व्हायचे नव्हते, असं नाईक म्हणाले.
नीलेश राणेंच्या दाव्यावर वैभव नाईक यांनी स्पष्टीकरण दिलं आहे. एकनाथ शिंदे यांनी मला अनेकदा बोलावले होते; पण ठाकरेंशी गद्दारी करून मला आमदार व्हायचे नव्हते. म्हणून मी शिंदेसोबत गेलो नाही, असं नाईक म्हणाले. भरत गोगावले यांनी सुद्धा मला शिंदेसेनेत येण्यासाठी संपर्क साधला होता. पण मला गद्दारीचा कलंक नको होता. मात्र आमदारकीसाठी नीलेश राणे यांनी भाजपला सोडचिठ्ठी देऊन ते शिंदेसेनेत गेले, असा पलटवार नाईक यांनी केला.
नीलेश राणे हे पुन्हा आमदारकीसाठी भाजपमध्ये जातील आणि कुडाळमधून निवडणूक लढवतील, असा दावाही नाईक यांनी केला आहे. आता वैभव नाईक यांच्या आरोपांवर नीलेश राणे काय उत्तर देतात, हे पाहणं औत्सुक्याचं ठरणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.