निलेश राणेंचा हा संताप आहे. मालवणमधील पैसे वाटपावर. मतदानाला काही तास शिल्लक असताना राणेंनी मध्यरात्री दोन वाजता पैसे वाटप करणाऱ्या दोन व्यक्तींना गाडीतून जाताना पिंपळपार इथे पकडलं. मालवणमधील पैसे वाटपाची प्रकरण अगदी मतदानापर्यंत गाजत राहिली. मालवणची निवडणूक गाजली ती निलेश राणे यांनी भाजपवर केलेल्या पैसे वाटपाच्या आरोंपामुळे भाजप पदाधिकाऱ्याच्या घरी धाड टाकून त्यांनी पैश्यांनी भरलेल्या बॅगा समोर आणल्या आणि मतदानाच्या आदल्या रात्री पिपळपारमधलं पैसे वाटप प्रकरण.

मालवणच्या पिंपळपारमध्ये मध्यरात्री काय झालं., पाहूयात

भाजपवर पैसे वाटपाचा आरोप

मालवणच्या पिंपळपारमध्ये नाकाबंदीदरम्यान कारमधून दीड लाखांची रोकड जप्त

पोलीस आणि भाजप पदाधिकाऱ्यांमध्ये गाडी सोडून देण्याबाबत चर्चा

शिंदेसेनेच्या कार्यकर्त्यांनी निलेश राणेंना माहिती दिली

आमदार निलेश राणे रात्री 12 वाजता मालवण पोलीस स्टेशनात धडकले

देवगडमधील भाजप पदाधिकाऱ्याची कार असल्याचा निलेश राणेंचा आरोप

ठोस कारवाईसाठी निलेश राणे आक्रमक,पोलिसांना विचारला जाब

दरम्यान राणेंनी याप्रकरणी निवडणुक आयोगाच्या अधिकाऱ्यांची भेट घेऊन पिंपळपारमधील प्रकरणी पैसे वाटप करणाऱ्यांवर गुन्हा दाखल करण्याची आणि न्याय मिळवून देण्याची मागणी केलीय.

सिंधुदुर्ग जिल्ह्यात राणे कुटुंबियांचं निर्विवाद वर्चस्व आहे. मात्र विधानसभा निवडणुकीत निलेश राणेंच्या वर्चस्वाला धक्का देण्यात विरोधक यशस्वी झाले. नगरपरिषदेतही त्याचीच पुनरावृत्ती होत असल्यानं निलेश राणे आक्रमक झाले आणि मित्रपक्ष असणाऱ्या भाजपवरच त्यांनी आरोपाची राळ उठवली. आता आरोप प्रत्यारोपांच्या आणि वर्चस्वाच्या लढाईत मालवण नगरपरिषदेचा गड कोणाच्या ताब्यात जातो. हे पाहणं महत्त्वाचं ठरणार आहे.